Ләззат Танысбай: Соңғы бес жылда «Qazaqstan» арнасының телехикаялары 10 елге сатылды

11.09.2019
Ләззат Танысбай: Соңғы бес жылда «Qazaqstan» арнасының телехикаялары 10 елге сатылды

Нұр-Сұлтанда Орталық Азиядағы ең ауқымды медиа оқиға «Astana Media Week» форумы ашылды. Ақпарат және қоғамдық даму министрі Д.Абаевтың қатысуымен өткен «Қазақстандағы телехикая және кино индустриясының дамуы» тақырыбындағы алғашқы панельдік сессия жұмысында еліміздегі кино нарығының соңғы жылдардағы даму қарқыны мен киноөнімдердің сыртқы нарыққа ұсынылуы туралы сөз қозғалды.  

«Қазақстан» РТРК» АҚ Басқарма төрайымы Ләззат Танысбай өз баяндамасында телерадиокорпорацияның отандық телехикая өндірісі бойынша жүргізіп жатқан жұмыстары жөнінде айтып өтті.

«Қазақстан» корпорациясы соңғы бес жылда 10 елге 37 телеөнімін ұсынған. Ал биылғы жылы 219 сериядан тұратын 14 жаңа телехикая түсірді. 

«Бір айға жуық уақыт бұрын елдегі ірі өндіруші компаниялардың жетекшілерімен басқосу өткізіп, нарықтағы негізгі мәселелерді сараладық. Оған 15 ірі компания қатысты. Тапсырыс берушілерді қазір компаниялардың ұсынатын бағасы мен әртістер құрамының біркелкілігі, телехикаялар жанрларының ұқсастығы алаңдатады», - деді. Л.Танысбай өз сөзінде. Сондай-ақ, Басқарма төрайымы биылғы жылы «Qazaqstan» арнасынан алғаш рет детектив жанрында телехикая ұсынылатынын айтты.

«Astana Media Week» форумы аясында бүгін «Қазақстан» РТРК» АҚ-на қарасты ресурстар күзгі маусымдағы таныстырылымын өткізеді.

Қазақстан Республикасының 2015 жылғы 16 қарашадағы «Ақпаратқа қол жеткізу туралы» № 401-V Заңы

Интернет-ресурстарда ақпарат орналастыру туралы 16-бабының:

3-тармағы. Ақпарат иеленушілер өз құзыреті шегінде интернет-ресурстарда:

1-тармақшасы ақпарат иеленушінің қызметі туралы жалпы ақпаратты жариялауы тиіс:

«ақпарат иелері басшыларының және олардың орынбасарларының ресми сөздері мен ресми мәлімдемелерінің мәтіндері;»

Аймақтық арналар