1979 жылы 1 қазанда Абай облысы Ақсуат ауданы Қызылкесік ауылында дүниеге келген.
2001 жылы Қазақ ұлттық аграрлық университетін «Экономика және менеджмент» мамандығы бойынша тәмамдаған.
2001-2004 жылдары ҚР ҰҒА М.Әуезов атындағы Әдебиет және өнер институтының аспирантурасында оқыған.
«Қазақстан – ZAMAN» газетінде (2001 ж.), «Парасат» журналында (2002 ж.), «Қазақ радиосында» (2004 ж.), «Қазақстан» (2002-2006 ж.ж.), КТК (2007 ж.) телеарналарында қызмет атқарған. Ш.Айманов атындағы «Қазақфильм» АҚ Сценарлық алқа мүшесі болған (2008-2009 ж.ж.). 2009 жылдың қазан айынан бастап «31 арнаның» «Информбюро» бағдарламасының шығарушы редакторы, 2012 жылдың тамызынан «31 арнаның» Ақпараттық бағдарламалар директоры болды.
2022 жылдың тамыз айынан бастап «Қазақстан» РТРК АҚ Бас редакторы, 2022 жылдың 26 қыркүйегінен «Qazaqstan» телеарнасының директоры.
«Ақпарат саласының үздігі» төсбелгісімен, ҚР Ұлттық Ғылым академиясы тағайындаған Алашорданың 100 жылдығы естелік медалімен, «Қазақ хандығының 550 жылдығы» төсбелгісімен марапатталған.
Алаш қайраткерлері туралы бірнеше деректі фильмнің сценарий авторы. «Алашорда» және «Алаш автономиясының әскері» атты фотоальбомдардың құрастырушысы.
