Альбина Әшім

Альбина Әшім

«Ақпарат» бағдарламасының жүргізушісі

1987 жылы 22 қарашада Солтүстік Қазақстан облысы Шал ақын ауданының Жаңасу ауылында дүниеге келген.

2008 жылы М.Қозыбаев атындағы Солтүстік Қазақстан мемлекеттік университетін «Журналистика» мамандығы бойынша тәмамдаған. 2007 жылы университетте 3-курс оқып жүріп «Қазақстан» РТРК» АҚ-ның  Солтүстік Қазақстан облыстық филиалында жұмысқа орналасқан. 2008 жылы университетті тәмамдаған соң Астана қаласына көшкен.

2008-2014 жылдар аралығында «Қазақстан» РТРК» АҚ, «Эра тв» (7-арна), «Еуразия+ОРТ» телеарналарында жаңалықтар қызметінің тілшісі, жүргізушісі қызметтерін атқарған. 2016 жылы «Егемен Қазақстан» республикалық газетінің Түркиядағы меншікті тілшісі болған.

2016 жылдың желтоқсанынан бері «Қазақстан» РТРК» АҚ-да жұмыс істейді. 2019 жылдың қыркүйегіне дейін «Aqparat» бағдарламасында тілші, аға тілші-жүргізуші қызметтерін атқарды. Тілшілікпен қатар жаңалықтар жүргізушісі болды.

Қазір «Apta» ақпараттық-сараптамалық бағдарламасының жетекшісі-жүргізушісі.

Бала кезінен журналист болуды армандаған. Қазақ тілі мен әдебиетінен олимпиадаларға, байқауларға қатысып, жүлделі орындарға ие болған. Кітап оқығанды, деректі және көркем фильмдер, сұхбаттар көргенді жақсы көреді.

Марапаттары: «ҚР Ақпарат саласының үздігі» медалінің иегері, ҚР Президенті грантының иегері.


Аймақтық арналар