«Қазақстан» телерадиокорпорациясы балалар әндерінің авторлары арасындағы дәстүрлі «Балдәурен» байқауын жариялайды. 2023 жылғы 10 маусым мен 10 тамыз аралығында өтетін байқауға балаларға арнап ән жазатын кез келген автор қатыса алады.
Байқау шарттары:
- Қатысушы студияда жазылып, өңделген MP3 форматтағы әнді, мәтінін, егер болса нотасын baiqau@balapan.tv электронды поштасына жолдауы тиіс. Әннің авторлары толық көрсетілуі қажет.
- Жеңімпаздарды кәсіби композитор, ақын, әншілерден құралған Көркемдік кеңес іріктейді. Үздік деп танылған әндерге «Қазақстан» телерадиокорпорациясы тегін бейнебаян түсіріп, «Qazaqstan» және «Balapan» телеарналарының эфирінен ұсынады.
«Балдәурен» байқауының мақсаты – балалар әндерінің көбеюіне үлес қосу. Байқаудың өткен жылғы кезеңінде 60-қа жуық автордан 109 ән қабылданған болатын. Оның ішіндегі үздік 5 әнге түсірілген бейнебаян қазір «Qazaqstan» және «Balapan» телеарналарының эфирінен көрсетіліп жүр. Жеңімпаз әндердің «BalapanTV» You Tube арнасындағы қаралымы 6 млн-нан асты.
Байқау туралы қосымша ақпарат үшін 8 (717) 2 75 70 89 нөміріне хабарласуға болады.
