«Қазақстан» телерадиокорпорациясы түркі елдеріне ортақ аңыз тұлға, ойшыл, жырау, қобызшы Қорқыт ата туралы телехикая түсіреді. Осы орайда тарихи тұлғаның аңыз-әфсанаға толы өмірі мен шығармашылығы туралы 4 бөлімнен тұратын көркем туынды актерлеріне кастинг жарияланады. Телехикаяға өнертанушы, этнограф Берік Жүсіпов кеңесшілік етеді. Жоба продюсері - Шолпан Батырбаева.
Кастингке:
Басты кейіпкер Қорқыт рөліне 15 пен 40 жастағы ер-азаматтар;
Қарт Қорқыт рөліне 70 жас шамасындағы ер адам;
Сондай-ақ қосалқы рөлдерге 25-40 жас аралығындағы қыз-келіншектер қатыса алады.
Үміткерлер өзі туралы ақпаратты (фото, видео, фильмография) 2022 жылғы 15 тамызға дейін casting@qazaqstan.tv электронды поштасына жолдауы тиіс.
Қосымша ақпарат: +7 777 022 13 22.
